Хүжийгийн блог

Gmail нь хайлтын аварга машин бүтээгч Google-ийн бий болгосон, уламжлалт и-мэйл үйлчилгээнд олон чиглэлээр хувьсгал хийж чадсан үйлчилгээ юм. Энэ үйлчилгээ хэдийгээр хожуу эхэлсэн ч гэсэн интернэт хэрэглэж сурсан хүмүүсийн хувьд үнэхээр дутагдаж байсан зүйлийг нь өгсөн гэж болно. Тэдний анх санал болгосон 1GB мэйл багтаамжийг зөвхөн энд дурдаж болохгүй.

Энэ удаа би өөрөө яагаад Gmail дээр суурилсан мэйл хэрэглэж эхлэх болсон, яагаад Yahoo ID-гаа хааяа мессенжер ашиглах үедээ л хэрэглэдэг болсон, ийм шилжилт хийхэд нөлөөлсөн шалтгаанууд юу байсан тухай та бүхэнтэйгээ бодлоо хуваалцая гэж бодлоо.Тест

Дашрамд дурдахад Банжиг Мэйл нь Google Gmail дээр суурилсан бөгөөд та өөрийн Banjig. ID-гаараа таны-банжиг-айди@banjig.net эсвэл таны-банжиг-айди@bmail.mn гэсэн мэйл хаягтай болох боломжтой. Та Google-д давхар бүртгүүлэх шаардлагагүй. Харин таны и-мэйлүүд болон, и-мэйл илгээх, хүлээн авах бүх үйл ажиллагаа Google-ийн буюу дэлхийн хамгийн найдвартай серверүүд дээр явагдах тул танд аюулгүй байдал талаас санаа зовох ямар ч шалтгаан байхгүй гэсэн үг.

За үндсэн яриандаа оръё!

Yahoo болон бусад и-мэйлүүдэд байдаг дутагдал

Бид нэг хүнд и-мэйл бичихэд нөгөө хүн маань хариу бичнэ, би дахиад түүнд нь хариу бичнэ гэх мэтээр и-мэйл бичих нь нэг төрлийн харилцан яриа байдаг. Жишээ нь дараах зурган дээр Yahoo Mail дээр нэг захианд олон хүн хариу бичихэд яаж харагддагийг харууллаа. Би бүгдийг нь уншихын тулд "Oron nutgiin songuuld Capital-aas garlaa" гэсэн гарчигтай бүхнийг хайна тэгээд нэг бүрчлэн нээнэ. Зарим хүмүүсийн юу бичсэнийг магадгүй уншиж чадахгүй ч өнгөрөөнө. Эдгээрт та өөрийн хариулж бичсэнээ харахын тулд Sent рүүгээ заавал орно. Энэ бүхэн төвөгтэй, цагийн гарз биш гэж үү! Бидэнд өдөр тутам маш олон мэйл ирдэг шүү дээ.

Gmail үүнийг хэрхэн хялбар болгож чадсан тухай

За яг дээрх шиг тохиолдолд би Gmail дээр суурилсан Banjig Mail-ээ ашиглах үед дараах дүр зураг харагдана. Дараах зургаас харахад би эдгээр ижил төстэй мэйлүүдийн аль нэгэн дээр дарахад л тухайн мэйлтэй хамааралтай бүх мэйл яг чаатны яриа шиг харагдана. Хэн хэзээ юунд юу гэж хариулсаныг би маш хялбараар харах боломжтой болж байгаа хэрэг. Энэ дунд миний бичсэн мэйл ч хугацаагаараа дунд нь ороод гараад ирнэ. Яг л чаатын яриа уншиж байгаа мэт хялбар, цаганд бол бүр дэндүү хэмнэлтэй.

Эхлээд энэ боломж нэг их чухал биш санагдаж магад, харин хэд хэдэн хүнд мэйл бичээд хэрэглээд эхлэх үед та хэзээ ч дахиж өөр и-мэйл программ хэрэглэх хүсэлгүй болно гэдэгтэй мөрийцөхөд бэлэн байна.

Та хэрвээ Банжиг.Нээтийн гишүүн бол http://mail.banjig.net хаягаар орон өөрийн мэйлээ шалгаж, бичиж болно. Юу нь гарзтай гэж яг одоо туршаад үзээрэй!